"Uzbek Tigers" "Colombia Heroicos"ни мағлубиятга учратди!

Баҳсда вакилларимиз 4:1 ҳисобида ғалаба қозондилар:

-52 кг: Худойназар Файзов - Кейбар Авила 0:2

-60 кг: Шунқор Абдурасулов - Дуван Зулета (ҳамюртимиз тўртинчи раундда рақибини нокаут қилди)

-69 кг: Маҳмуд Ғоипов - Александр Ранхел (учинчи раунддан сўнг техник ғалаба)

-81 кг: Бектемир Мелиқўзиев - Диего Алехандро Мотоа (3:0)

+91 кг: Баҳодир Жалолов - Кристиан Салкедо (3:0)

Olamsport.com сайти жанглардан матнли трансляция уюштирди.

МАТНЛИ ТРАНСЛЯЦИЯ

21:07. "Uzbek Tigers" - "Colombia Heroicos"  жанги якунига етди. Тўқнашувда вакилларимиз 4:1 ҳисобида ғалаба қозондилар!

21:05. Азиз мухлислар, трансляция давомида техник носозликлар сабабли орада узилишлар юзага келди. Бунинг учун Сизлардан узр сўраймиз. Тўғри тушунасизлар деган умиддамиз.

21:01. ҒАЛАБА! Баҳодир Жалолов ҳам рақибидан 3:0 ҳисобида устун келди ва умумий ҳисобнинг 4:1 бўлишини таъминлади.

20:49. Жалолов жангда устунлик қилмоқда. Яхши, шундай давом этиш керак.

20:42. Оқшомнинг сўнгги жангида Баҳодир Жалолов рингга кўтарилади.

20:40. Боксчиларимиз 3:1 ҳисобида олдинга чиқиб олишди! ЯХШИ!!!

20:38. ҒАЛАБА!!! Бектемир Мелиқўзиевда ҳам ғалаба. Уччала ҳакам ҳам боксчимизнинг ғалабасини қайд этди.

20:21. Бектемир ўзининг кучли зарбалари эвазига рақибдан устунлик қилмоқда.

20:15. Энди Бектемир Мелиқўзиевнинг жангини томоша қиламиз!

20:13. ҒАЛАБА! Маҳмуд Ғоиповнинг рақиби учинчи раунддан сўнг жангни давом эттира олмади! 2:1 ҳисобида олдинга чиқиб олдик!

20:09. Маҳмуд жангни жуда яхши ўтказмоқда! У рақибини нокдаун ҳолатига тушириб қўйди!

20:03. Энди -69кг вазн тоифасида жанг ўтказилади. Унда Маҳмуд Ғоипов рингга кўтарилади.

20:01. ҒАЛАБА!!! Шунқор рақибини нокаутга учратди. Тўртинчи раундда рақиблар мураббийи рингга оқ сочиқ ташлаб, шогирдининг мағлубиятини тан олди! Ҳисоб тенглашди - 1:1!

19:58. Устунлик вакилимиз томонга ўтди! Яхши!

19:52. Шунқор Абдурасулов жангга киришди. Ҳозирча устунлик ҳеч бир томонда эмас.

19:35. Худойназар Файзов - Кейбар Авила жангида меҳмонлар вакили ғолиб бўлди. 3 ҳакамнинг 2 нафари Авила ғолиб бўлганини эълон қилди. Ҳозирча 0:1...

19:10. Илк тўқнашувда Худойназар Файзов - Кейбар Авила жуфтлиги рингда жанг қилмоқда.

18:59. Бугунги жанглар бошланди. 

18:55. Ассалому алайкум ҳурматли бокс ишқибозлари! Бугун бокс мухлисларини яна бир қизиқарли бокс оқшоми кутиб турибди. Ўзбек боксчилари Колумбия вакилларига қарши!

-52 кг: Худойназар Файзов - Кейбар Авила

-60 кг: Шунқор Абдурасулов - Дуван Зулета

-69 кг: Маҳмуд Ғоипов - Александр Ранхел

-81 кг: Бектемир Мелиқўзиев - Диего Алехандро Мотоа

+91 кг: Баҳодир Жалолов - Кристиан Салкедо