UZ

Сўнгги янгиликлар

21:44“Локомотив” БААда “Зенит” билан дуранг ўйнади0 18:25Australian Open (ATP). Федерер, Маррей 1/8 финалда ва бошқа натижалар4 18:14Australian Open (WTA). Кербер, Мугуруса 1/8 финалда ва бугунги бошқа натижалар0 17:55"Қўқон-1912"да сербиялик ҳужумчи кўрикдан ўтади0 17:40Спортчилар ижтимоий тармоқларда1 17:10"Локомотив"да кўрикдан ўтаётган учинчи африкалик футболчи Қувайт фуқароси0 16:35Карл Фрэмптон “Йил жангчиси” деб топилди0 16:11МДҲнинг энг гўзал шахматчиси билан интервью1 15:50Футзал. Олий лига, 3-тур, 4-кун. "Дўстлик-AIN" - "Металлург" 4:30 15:30"Пахтакор", "Нефтчи" ва "Металлург" битта самолётда Туркияга учади0 14:45Uzbek Tigers жамоаси рақибининг таркиби маълум қилинди0 13:15Футзал. Олий лига, 3-тур, 4-кун. "Локомотив" - "Ардус" 2:50 11:55Испания кубоги. “Атлетико” йирик ғалабага эришди0 11:25Футзал. Олий лига. 4-тур. Тўртинчи кунги ўйинлар тақвими0 10:55Денисов ва «Локомотив» «Базель»га қарши ўйин ўтказди0

05 янв 18:46
Янгиликлар

"Uzbek Tigers": Дўсматов жамоа шарафини ҳимоя қилади, Ғоибназаров ва Тўлаганов таркибда йўқ

Теглар :  Uzbek TigersБокс
Бир ойдан сўнг жаҳон бокс серияси (WSB) мусобақаларига старт берилади.

Унда Ўзбекистон шарафини ҳимоя қиладиган Uzbek Tigers турнирга тайёргарлик бошлади.

Ўзбекистон бокс федерацияси матбуот хизмати эса «Дарё»га Uzbek Tigers таркибига кириши мумкин бўлган 30 нафар боксчи номини тақдим этди.

Боксчилар 10 та вазн тоифасига ажратилган бўлиб, ҳар бир вазн учун 3 нафардан номзод танлаб олинган. Улар орасида Рио—2016 Олимпиадасида олтин медални қўлга киритган Фазлиддин Ғоибназаров ва бронза медали эгаси Рустам Тўлаганов каби номлар йўқ. Қайд этиш керак, Рустам Тўлаганов яқиндагина оила қурганди.

Улар қаторида Рио—2016 иштирокчиси бўлиб, якунда медалларсиз қолган Элшод Расулов ҳамда Хуршид Тожибоев каби боксчилар ҳам термага ёрдам бермайди.

Чемпионлардан Ҳасанбой Дўстматов (-49 кг) ва Шаҳобиддин Зоиров (-56 кг) Uzbek Tigers шарафини ҳимоя қилишга даъвогарлар сафида бор. Рио—2016 медалларини қўлга киритган боксчилардан Шаҳрам Ғиёсов (-69 кг), Муроджон Аҳмадалиев (-60 кг), Бектемир Мелиқўзиев (-81 кг) каби спортчилар ҳам машғулотларга киришган.

Олимпиада йўлланмасини қўлга киритганига қарамай, якунда терма жамоа сафидан тушиб қолган Элнур Абдураимов -64 килограм вазн билан рўйхатга қўшилган. Риода Ўзбекистон байроғини кўтариб чиққан, бироқ якунда совриндор бўла олмаган Баҳодир Жалолов ҳам Uzbek Tigers асосий таркиби учун кураш олиб боради.

Маълумот учун, Uzbek Tigers ўз гуруҳида Россиянинг Russian Boxing Team, Қозоғистоннинг Astana Arlans ҳамда Хитойнинг China Dragons жамоаларига қарши кураш олиб боради. Биринчи жанглар 3 февраль куни Хитойда бўлиб ўтади.

Astana Arlans жамоаси 2013 ва 2015 йилги турнирларда ғолибликни қўлга киритганди. 2014 ва 2016 йилларда эса чемпионлик Кубанинг Cuba Domadores’га насиб қилган. Uzbek Tigers 2016 йилги мавсумдан бошлаб турнирга қўшилган бўлиб, ярим финалга қадар етиб борган ва ўша босқичда Куба жамоасидан енгилган. Cuba Domadores ғалабаси билан якунига етган финал ўйинларига Тошкент шаҳри мезбонлик қилган.

Рейтинг: +1   

Ўхшаш янгиликлар

Фикрлар

   
06 янв 18:34:12
MR.Bek
UzTigersga omad 2017-yil chempionlik bizniki.Uztigersga Fazliddin Gaibnazarovni qo'shish kerak edi
   
05 янв 22:54:42
Bek
Кейин нима учун боксчилар вазни ўзгариб қолган. Яъни Бектемир 81, Шахобиддин 56 ва Муроджон 60
   
05 янв 22:42:34
Bek
Таркибда тажрибали Хуршид Тожибоевнинг бўлиши жамоанинг яхши натижани қўлга киритишига ёрдам берар эди. Сабаби Элнур Абдураимовнинг бошқа вазнга ўтиши ва Хуршиднинг таркибга кирмаганлиги жамоада 60 кг вазн тоифасининг кучсизланишига сабаб бўлиши мумкин.
   
05 янв 21:03:44
shahzod xojayli
Olg'a uzbek tigers 2017 yilda champion bolish navbati uzbeklarga keldi!
< сўнгги янгиликларни кўриш

Olamsport ни Facebook да ўқиш
учун "Yoqdi"ни босинг