01 ноя 14:30
Янгиликлар
Бокс/ММА
Uzbek Tigers ярим финалга етиб келган WSB турнирининг янги мавсуми февралда бошланади
Бутунжаҳон бокс серияси (WSB) турнирининг янги мавсуми 2017 йилнинг февраль ойида бошланади.
Бу ҳақда Халқаро бокс ассоциацияси расмий сайтида хабар берилди. Ҳисоб бўйича еттинчи мавсумда 16та жамоанинг 4та гуруҳга бўлинган ҳолда иштирок этиши кутилмоқда.
Шу ойда қуръа ташлаш маросими бўлиб ўтади. Ғолиб жамоа номи 2017 йилнинг июнь ойида маълум бўлади. Ушбу турнирда “Ўзбек йўлбарслари” жамоаси ҳам иштирок этади.
Эслатиб ўтамиз, Uzbek Tigers жамоаси ўтган йили илк маротаба турнирда иштирок этган ва ярим финалга қадар етиб келган эди. Куба ва Буюк Британия жамоалари иштирок этган мусобақанинг финали Тошкентда ўтказилганди.
Пойтахтимиздаги муҳташам “Ўзбекистон” спорт саройи мезбонлик қилган финалда “Cuba Domadores” жамоаси “British Lionhearts” боксчиларини 9:1 ҳисобида мағлуб этган эди.
Ҳавола :
Фикрлар