Винус Уильямс Australian Open'га wild card олди

Турнир ташкилотчилари Винусга wild card, яъни асосий тўрда тўғридан-тўғри иштирок этиш ҳуқуқини берувчи имтиёзли йўлланма тақдим этишди. 

"Январь ойида Австралия Очиқ чемпионатида қатнашиш учун Мельбурнга қайтишдан жуда хурсандман. Мен 20 йилдан ортиқ Яшил қитъадаги мусобақаларда иштирок этганман ва австралияликлар ҳар доим мени самимий қўллаб-қувватлашган. 

Яна мухлислар қаршисида ўйнаш мен учун шараф ва бу турнир билан боғлиқ янги хотиралар бўлишини интиқлик билан кутяпман", - деди америкалик теннисчи.

Уильямс ўз фаолиятида 22-марта мавсумдаги илк "Улкан Тож" турнирида иштирок этади (у биринчи марта 1998 йилда қатнашган). Унинг энг яхши натижаси - финал (2003, 2017) бўлган.