17 авг 11:55
Янгиликлар

Теннис

WTA 1000. Дунёнинг биринчи ракеткаси бошлади

АҚШнинг Цинцинатти шаҳрида теннис бўйича WTA 1000 туркумига кирувчи турнир давом этмоқда.

Сайёрамизнинг биринчи рақамли теннис маликаси Ига Свёнтек иккинчи даврада рақибасига биттагина гейм берди, холос. Польшалик теннисчи WTA рейтингида 34-поғонани банд этиб турган америкалик Даниэль Коллинзни мағлубиятга учратди - 6/1, 6/0.

Бу теннисчиларнинг ўзаро тўртинчи учрашуви эди. Ҳисоб Ига фойдасига - 3:1. Олтмиш бир дақиқа давом этган баҳсда Свёнтек 1, Коллинз 3 та эйс зарбасини амалга оширди. Энди Свёнтек Western & Southern Open учинчи босқичида хитойлик Чжен Цзинвенга қарши кортга чиқади. Чжен иккинчи даврада америкалик Винус Уильямсдан устун келди - 1/6, 6/2, 6/1.