Хэй: "Фьюрининг жароҳати жиддий эмас"

"Фьюри доим мени танқид қилишини биламан. Энди унинг ўзи жароҳат олган пайтда барча нарса фақат унга боғлиқ эмаслигини тушуниши мумкин. Мен елкамни операция қилдиргандим ва 2 йил рингга қайта олмагандим. Тайсоннинг жароҳати эса оёғида. У жароҳат эса жиддийга ўхшамаяпти.

У Евро-2016да қандай рақсга тушганини кўрдим. Демак, жароҳат жиддий эмас. Ишончим комил, у тезда ўзига келиб олади. Ачинарлиси, унинг жангини кўрмоқчи эдим. Лекин, бу вазиятда Фьюрини танқид қилиш ярамайди", - дейди Хэй.

Эслатиб ўтамиз, ўз вақтида супероғир вазнда чемпион бўлган Дэвид Хэй ватандоши Юьюри билан жуда яхши таниш. Ушбу боксчилар икки маротаба жанг қилишни режалаштирганлар. Лекин, иккаласида ҳам Хэй жароҳати сабабли бу жангда иштирок этишни истамаганди. Ўшандан бери Фьюри мунтазам равишда уни мазаҳ қилиб келарди.