Хопман Кубоги. Федерер қайтишини ғалаба билан нишонлади

Швейцария терма жамоаси таркибидан жой олган дунёнинг собиқ биринчи ракеткаси Рожер Федерер ўзининг қайтишини ғалаба билан нишонлади. Рожер сўнгги бор ўтган йилнинг июль ойида кортга чиққан эди.

Федерер бошчилигидаги швейцариялик теннисчилар Буюк Британия терма жамоасидан 3:0 ҳисобида устун келишди. Яккалик баҳсларида Федерер Даниэл Эвансни 6:3, 6:4 ҳисобида мағлуб этди.

Белинда Бенчич эса Хизер Уотсонни уч сетда енгди. Микст, яъни аралаш жуфтликлар баҳсида ҳам Рожер ва Белинда тандеми ғалабага эришди. Яна бир учрашувда Франция терма жамоаси германиялик теннисчиларни 2:1 ҳисобида енгди.

Хопман Кубоги

Швейцария – Буюк Британия 3:0

Рожер Федерер (Швейцария) – Дэниэль Эванс (Буюк Британия) – 6:3, 6:4

Белинда Бенчич (Швейцария) - Хизер Уотсон (Буюк Британия)– 7:5, 3:6, 6:2

Рожер Федерер/Белинда Бенчич (Швейцария) – Дэниэл Эванс/Хизер Уотсон (Буюк Британия) – 4:0, 4:1

Франция – Германия 2:1

Ришар Гаске (Франция) – Александр Зверев (Германия) – 7:5, 6:3

Кристина Младенович (Франция) – Андреа Петкович (Германия) - 2:6, 1:6