23 июн 20:15
Янгиликлар
![](/upload/storage/513_220.jpg)
Ён қўшниларимиз Олимпиадада камида 2та олтин медал олишмоқчи
Бу ҳақда терма жамоа бош мураббийи Мирзагали Айтжанов интервью берди.
- Ҳозирда биз асосий тайёргарлик машғулотларини Алматидаги бокс Академиясида, ўрта тоғлик ҳудудда олиб боряпмиз. Асосий эътибор умум жисмоний ва функционал тайёргарликка қаратилган. Йиғинимиз 21 кун давом этади. Машғулотларда 35 нафар терма жамоа аъзолари иштирок этмоқда. Улар орасида иккинчи ва учинчи рақамли боксчиларимиз ҳам бор, -деди М. Айтжанов.
Бош мураббийнинг сўзларига қараганда, ушбу йиғиндан сўнг терма жамоа бир ҳафта давомида дам олади. Сўнгги йиғин 11-27 июль кунлари Астана шаҳридаги Боксни ривожлантириш марказида ўтказилади.
- Унда биз техник ва тактик тайёргарликка эътибор қаратиб, синов жанглари ўтказамиз. Биз ҳозир олимпия ўйинларидаги асосий рақибларимизнинг жангларини кўриб, уларнинг “плюс” ва “минус”лари ҳақида хулоса чиқаряпмиз. Спортчиларни руҳан тайёрлаяпмиз. Мақсадимиз – иккита олтин медални қўлга киритиш, бироқ кимлар бунга асосий даъвогар эканини ҳозир айтмайман. Негаки, кутилмаган вазиятлар содир бўлиши мумкин. Шубҳасиз, ҳеч ким бизга шунчаки медални тортиқ этмайди. Барча ўн нафар боксчимиз ҳам ғалабага муносиб. Максимум вазифамиз 4-5та медални қўлга киртиш, -дея қўшимча қилди Мирзагали Айтжанов.
Маьлумот
учун, бокс бўйича Қозоғитсон эркаклар терма жамоасининг 10 нафар аъзоси олимпия
ўйинлари лицензиясига эга. Улар: Биржан Жакипов (49 кг), Олжас Саттибаев (52 кг), Қайрат Ералиев (56 кг), Берик Абдраҳмонов (60 кг), Данияр Елеусинов (64 кг), Василий Левит (91 кг), Абилайхан Жусупов (64 кг), Жанибек Алимханули (75 кг), Адилбек Ниязимбетов (81 кг) ҳамда Иван Дичко (+91 кг).
Фикрлар