Ёш чавандозлар учун от йўрттириш бўйича мусобақа ўтказилди ФОТОРЕПОРТАЖ

Ўзбекистон Республикаси Миллий гвардиясига қарашли от спорти бўйича Республика олий спорт маҳорати мактабида от йўрттириш бўйича мусобақа бўлиб ўтди.

Лазиза Абдуллаева, Абдулазиз Султонов, Мария Ғофурова, Камила Кисничан каби спортчилар от йўрттириш бўйича ўз маҳоратларини намоён этдилар. Шунингдек, от спортига эндигина кириб келаётган Бехзод Мухторжонов, Анна Ким каби ёш чавандозлар ҳам ўз чиқишлари билан йиғилганлар олқишига сазовор бўлди.

10-12 ёшлилар ўртасида от йўрттириш бўйича ўтказилган мактаб биринчилигида Лазиза Абдуллаева тенгдошларидан маҳорат борасида устун эканлигини намоён этиб, ғолибликни қўлга киритди.

Ғолиб ва совриндорлар ташкилотчилар томонидан таъсис этилган диплом, медаль ҳамда Янги йил совғалари билан тақдирланди.

Алимурод МАМАДАМИНОВ, ўз мухбиримиз