Юрген Клопп: “Реал жуда кучли, аммо ҳали биз билан тўқнаш келмади”

“Европа Чемпионлари лигаси финал ўйини бу ҳазилкам беллашув эмас. Ушбу ўйинда жамоангни зафар сари бошлаб тушиш учун машғулотларда ўз билимингни шогирдларингга уқтира олиш шарт. Аммо энг муҳими хотиржамликни сақлаб қолиш шарт. Мен аввалги финал ўйинида жуда эмоцияга берилганим рост. 

Бундай муҳим финалларда иштирок этиш ҳар доим ҳам насиб этавермайди. Мен олдинги финалда иштирок этганимда шуни ҳис қилганман. Ўшанда жудаям кучли рақибимизга қарши фантастик ўйин кўрсата олганмиз. Ўша ўйиндан кейин менда яна бир марта шундай имконият туғилишини ҳис қилганман. Ва менинг йигитларим менга шундай имкониятни тақдим этишди.

Зидан футбол тарихидаги бешта энг яхши футболчидан бири. Мен “Ливерпул”да у “Реал”да ишлаганидан кўпроқ вақт мобайнида ишлаб келаяпман. Аммо у неча марта ЕЧЛни қўлга киритганига эътибор беринг. У туғма жангчи. Биз иккимиз ҳам финалда ва эртага нима бўлишини майдонда кўрамиз.

Бу каби беллашувларда тажриба жуда муҳим. Ўйиндан олдин ташаббус “Реал” томонида. Аммо ҳаммаси майдонда ҳал бўлади. “Реал” жуда кучли рақиб. Аммо улар ҳали биз билан тўқнаш келишмади.

Биз финалдамиз, чунки биз “Ливерпул”миз. Бунақа ўйинларда ўйнаш жамоанинг “қон”ида бор. Улар катта ғалабаларга ўрганишган. 

Бу мавсум Муҳаммад Салоҳ учун дарҳақиқат ажойиб ўтди. Кейиннги бир неча йил унинг Роналду ёки Месси даражасига чиқа олишини кўрсатиб беради. Эртанги баҳс олдидан бир қатор футболчиларимиз асабийлашишади. Бу нормал ҳолат. Бу шунчаки ўйин.  Аммо ўта муҳим ўйин. 

Ғалаба учун ҳар иккала жамоага омад оз бўлса ҳам лозим бўлади. Майдонда рўй бериши мумкин бўлган ҳар қандай ҳолатга тайёр бўлиш лозим. Биз ўзимизнинг имкониятларимизни биламиз ва бундан мамнунмиз”, дейди Клопп.