Бугун Astana Barysy Grand Slam`да 3 нафар дзюдочимизга мухлислик қиламиз

Мукофот жамғармаси 154 000 еврони ташкил қилувчи Barysy Grand Slam 2024 мусобақасининг сўнгги учинчи куни оғир вазн тоифасида беллашувлар ташкил этилади. Бугунги баҳсларда 3 нафар дзюдочимизга мухлислик қиламиз. 

Ҳамюртларимиздан Ирисхон Қурбонбоева, Рината Илматова ва Эрназар Сарсенбаев мусобақа медаллари ҳамда Париж-2024 Олимпиадаси йўлидаги қимматли рейтинг очколари учун татамига чиқади.

Дзюдочиларимзнинг илк даврадаги рақиблари:

-78 кг: Ирисхон Қурбонбоева — Ҳсу Шу Ванг (Хитой Тайпейи)/Дарья Канцавая (AIN)  

+78 кг: Рината Илматова — Кинга Волжчак (Польша)

-100 кг: Эрназар Сарсенбаев — Луис Маи (Германия)

Эслатиб ўтамиз, кечаги беллашувларда ҳамюртларимиздан Шарофиддин Болтабоев барча рақибларини мағлубиятга учратиб, Астана "Катта Дубулға" турнири олтин медали ҳамда 1000 рейтинг очкосини қўлга киритган эди. Шарофиддиннинг олтини эвазига Ўзбекистон терма жамоаси 84 давлат орасида 4-ўринга кўтарилиб олди.