UZ

Сўнгги янгиликлар

20:28Қозоғистонлик теннис маликаси "Ролан Гаррос" 1/8 финалида ўйнайди 0 20:07Царукян — Махачевга: "Навбат бўйича кейингиси менман, Ислам, қочма!" 0 19:46"Ролан Гаррос". Соболенко Паула Бадосани йўлдан олиб ташлади 0 19:25Роналду икки юлдуз билан музокара олиб бормоқда, улар ким эканлиги маълум 0 19:04Махачевнинг кейинги рақиби ким бўлади? UFC раҳбари жавоб берди 0 18:43Элина Свитолина "Ролан Гаррос" 1/8 финалида 0 18:22Дмитрий Бивол 2018 йилдан бери илк бор муддатидан олдин ғалаба қозонди 0 18:01Бунақаси "Реал" билан фақатгина 1932 йилда содир бўлганди 0 17:40"Ролан Гаррос". Даниил Медведевнинг юриши давом этмоқда 0 17:19Дюбуа энди Энтони Жошуага қарши жанг қилмоқчи 0 16:58Каспер Рууд "Ролан Гаррос" 1/8 финалига йўл олди 0 16:37Расман: Жозе Моуринью — "Фенербахче" бош мураббийи! 0 16:26Уч таэквондочимиз Ҳарбийлар ўртасида жаҳон чемпиони, яна тўрт нафари совриндор! 0 16:16Александр Шлеменко Кертисни муддатидан олдин мағлуб этди 0 15:55Бивол сўнгги 6 йилликдаги илк нокаути ҳақида: "Кучим йўқ бўлиб қолмаганини билардим" 0

14 июл 12:25
Янгиликлар

Сув спорти турлари

Кунчиқар юртда жаҳон чемпионатига старт берилди

Бугун Япониянинг Фукуока шаҳрида сув спорти турлари бўйича ХХ жаҳон чемпионати бошланди.

Дунёнинг энг сара спортчилари иштирокида ўтадиган мазкур нуфузли мусобақада Ўзбекистон делегацияси аъзолари ҳам иштирок этишмоқда.

Сув спорти турлари бўйича катталар ўртасидаги жаҳон чемпионати дунёдаги энг йирик спорт анжуманларидан бири ҳисобланади. ХХ бор ташкил этилган мазкур мусобақада дунёнинг 100 дан зиёд давлатидан терма жамоаларни иштирок этаётгани ҳам юқоридаги фикримиз исботи бўлади. 

Бу йилги чемпионатда сув спортининг олтита тури бўйича баҳслар ўтказилади. Мамлакатимиз спортчилари уларнинг иккитасида, яъни синхрон сузиш ҳамда очиқ сув ҳавзасида сузиш бўйича ўтказиладиган мусобақаларда Ватанимиз шарафини ҳимоя қилишади.

Биринчи бўлиб мусобақаларга синхрон сузувчиларимиз киришдилар. Мазкур мусобақада дунёнинг 54 давлати вакиллари совринли ўринлар учун кураш олиб боришади. 

Бугун куннинг биринчи ярмида техник соло бўйича бўлиб ўтган баҳсларда ҳамюртимиз Гулсанам Букина ҳам иштирок этди. Гулсанам жаҳон чемпионатида илк бор қатнашяпганлигига қарамай саралаш мусобақасида 30 нафар спортчи орасида 20-натижани қайд этди.

Афсуски, ушбу кўрсаткич унга ҳал қилувчи финал босқичига чиқиши учун камлик қилди. Бугун куннинг иккинчи ярмида Зиёда Тошхўжаева ҳамда Диана Онкес жуфтлиги техник дуэт машқларида ўз маҳоратларини намойиш этадилар. 

15 июль куни очиқ  сув ҳавзасида сузиш бўйича мусобақаларга ҳам старт берилади. Шу куни хотин-қизлар ўртасида 10 км. масофага сузиш баҳслари ўтказилади. Унда икки нафар юртдошимиз Паризода Искандарова ҳамда Анастасия Зелинская стартга чиқишади. Спортчиларимизга бўлажак мусобақаларда омад ва зафарлар тилаб қоламиз.

Маълумот учун, сув спорти турлари бўйича катталар ўртасида жаҳон чемпионати 4 бор Осиё қитъасида ташкил этилган. Фукуока шаҳри 22 йиллик танаффусдан сўнг иккинчи маротаба ана шу йирик спорт анжуманига мезбонлик қилмоқда. 

17 кун давом этадиган жаҳон чемпионатида жами 75 та комплект медаллар ўйналади. Энг кўп 42 та комплект медаль сузиш спорт турида ўз эгаларига топширилади (мазкур мусобақалар 23-30 июль кунлари ўтказилади). Сувга сакрашда 13 та (14-22 июль), синхрон сузишда 11 та (14-22 июль), очиқ сувда сузишда 5 та (15-20 июль), хайдайвинг (25-27 июль) ва сув полосида (16-29 июль) 2 тадан комплект медаллар ўйналади.

Рейтинг:    

Фикрлар

< сўнгги янгиликларни кўриш

Olamsport ни Facebook да ўқиш
учун "Yoqdi"ни босинг