Пекин Олимпиадасида спортчилар норозилик билдирилган тақдирда аккредитациядан маҳрум қилинади

Пекин Олимпиадасида спортчининг Олимпия руҳига ёки Хитой қонунчилигига зид бўлган ҳар қандай хатти-ҳаракати аниқ жазога тортилади.

Пекин-2022 ташкилий қўмитаси директорининг халқаро алоқалар бўйича ўринбосари Ян Шу Олимпиадада норозилик намойишлари бўлиши мумкинлиги ҳақидаги саволга жавоб берар экан шундай деди:

«Олимпия руҳига мос келадиган ҳар қандай кўриниш ҳимоя қилинишига ишонаман. Олимпия руҳига ёки Хитой қонунлари ва қоидаларига зид бўлган ҳар қандай хатти-ҳаракат, ана шундай мазмундаги нутқ муайян жазога тортилади», — деди Ян Шу матбуот анжуманида.

Бундай ҳолат Олимпиада иштирокчилари томонидан амалга оширилса, спортчи аккредитациядан маҳрум қилиниши, шунингдек бошқа санкциялар ҳам қўлланилиши мумкин.