Хоразмлик дзюдочилар ва уларнинг мураббийлари тақдирланишди + ФОТО

Тадбирга 2021 йилда юқори натижалар қайд этган хоразмлик дзюдочилар ҳамда уларнинг мураббийлари таклиф этилди. Вилоят дзюдочилари ўтган ҳафта ўтказилган катталар ўртасидаги Ўзбекистон чемпионатида умумжамоа ҳисобида биринчи ўринни эгаллашди. 

Терма жамоамизнинг Ливан давлати мезбонлик қилган ўсмирлар ва ёшлар ўртасидаги Осиё чемпионатидаги муваффақиятли иштирокига хоразмлик дзюдочилар катта ҳисса қўшишди. Бу йил Урганч шаҳрида ёшлар ўртасидаги Ўзбекистон чемпиони юқори савияда ташкил этилди.   

Бир пиёла чой устида кечган маросим якунида дзюдочи ва мураббийларга сертификат ҳамда совғалар тақдим этилди.

 Мукофотларни Хоразм вилояти ҳокими ўринбосари, Туризм ва спорт бошқармаси бошлиғи Ботир Саидов, Ўзбекистон дзюдо федерацияси Хоразм вилояти бўлими раиси Ортиқ Полвонов топширишди.