21 июл 08:25
Янгиликлар
![](/upload/storage/270134_220.jpg)
Тошкентда шахмат бўйича мактаб ўқувчилари ўртасидаги Осиё чемпионати якунланди + ФОТОГАЛЕРЕЯ
Кеча Осиё чемпионатининг сўнгги куни - Халқаро шахмат байрамида маҳоратли шахматчилар блиц йўналиши бўйича куч синашдилар. Куннинг иккинчи ярмида эса Осиё чемпионатининг ғолиб ва совриндорларини тантанали тақдирлаш маросими ўтказилди.
Шахматнинг рапид, блиц ва стандарт йўналишларида иштирок этган Умида Омонова, Нилуфархон Имомқўзиева, Малика Норқулова, Гулдона Каримова, Зилола Актамова, Малика Жумаева, Дилноза Нуруллаева, Асроржон Омонов, Эъзозбек Маҳмудов, Лазизбек Шавкатов каби ёш шахматчиларимиз ўз гуруҳларида олтин медалга сазовор бўлишди.
Руқия Олимова, Мумтозбегим Собирова, Акобирхон Сайдалиев, Саъдулло Азизов, Шаҳзод Исломов, Шоҳжаҳон Сиддиқов, Акобирхон Сайдалиев, Исломбек Холмаматов, Икромжон Халилов эса чемпионатда 2-ўринни эгаллади.
Мадинабону Халилова, Эъзозахон Ҳасанова, Севинч Давлатова, Нилуфар Маҳмудова, Лилия Белая, Шаҳромбек Каримов, Абдулқодир Баҳодиров, Раҳмонали Неъматжонов, Жавоҳир Бозоров, Акбарали Абдуҳакимов, Шаҳзод Исломов, Иброҳим Жуманазаров, Жамшидбек Айтимбетов, Акбар Ёқуббоев каби спортчиларимиз эса бронза медалига сазовор бўлишди.
Умумжамоа ҳисобида 1-ўринни Ҳиндистон, 2-ўринни Ўзбекистон ва 3-ўринни Мўғулистон эгаллади. Медаллар жамғариш бўйича эса ғолиблик шоҳсупасининг энг юқори поғонасидан ўрин эгалладик. Кейинги ўринлар Мўғулистон ҳамда ҳиндистонлик шахматчиларга насиб этди.
Тақдирлаш маросимида Осиё ҳамда мамлакатимиз шахмат федерацияси, ёшлар сиёсати ва спорт вазирлиги мутасаддилари, меҳмонлар, ота-оналар, шахмат ишқибозлари ва оммавий ахборот воситалари ходимлари иштирок этди.
Алимурод МАМАДАМИНОВ, ўз мухбиримиз
Фикрлар