15 may 16:44
Tennis
18 yoshli dunyoning beshinchi raketkasi Rimdagi ishtirokini yakunladi
Dunyoning beshinchi raketkasi bo'lib turgan amerikalik Kori Goff Rimdagi WTA 1000 turnirining 1/8 finaliga chiqa olmadi.
Goff WTA reytingining 38-pog'onasida borayotgan chexiyalik Mari Buzkovaga 6/4, 2/6, 2/6 hisoblarida yutqazib qo'ydi. Tennischilarning o'zaro ikkinchi uchrashuvida ham Mari raqibasidan ustun keldi.
Ikki soatu 4 daqiqa davom etgan bahsda Goff 6 ta eys, 2 ta qo'shxato va 3 ta breyk qayd etdi. Bitta ham eysni amalga oshira olmagan Buzkova 6 ta breyk evaziga keyingi bosqich masalasini hal qildi. Endi u chorak final chiptasi uchun rossiyalik Veronika Kudermetovaga qarshi kortga chiqadi.
Manba : gotennis
