02 iyu 13:19 Tennis

CHilich Rojer Federer va Pit Samprasni ortda qoldirdi

Xorvatiyalik 33 yoshli Marin CHilichning "Rolan Garros" 1/4 finalida Andrey Rublyovni besh set natijasiga ko'ra mag'lub etgani haqida xabar bergan edik.

Bu bilan u faoliyatidagi ushbu turnirlardagi besh setlik 34-g'alabasini tantana qildi. Yana 19 ta besh set davom etgan uchrashuvlarda mag'lubiyat alamini totib ko'rgan.

Ushbu ko'rsatkich bo'yicha CHilich tennis afsonalari - shveycariyalik Rojer Federer hamda amerikalik Pit Samprasni ortda qoldirib, to'rtinchi o'ringa ko'tarilib olishga muvaffaq bo'ldi. Dastlabki uch o'rinni Ilie Nastase (39), Novak Jokovich (36) va Ivan Lendl (35) egallab turibdi.