29 may 06:56 Tennis

"Rolan Garros". Daniil Medvedev 1/8 finalga chiqdi

Franciya poytaxti Parij shahrida "Katta Dubulg'a" turkumiga kiruvchi "Rolan Garros" turniri davom etmoqda.

Dunyoning ikkinchi raketkasi Daniil Medvedev uchinchi davrada ATP reytingida 31-o'rinni egallab turgan serbiyalik Miomir Kechmanovichni ortiqcha qiyinchiliksiz mag'lub etdi - 6/2, 6/4, 6/2.

Bir soatu 51 daqiqa davom etgan bahsda rossiyalik tennischi 6 ta eys, 3 ta qo'shxato va 5 ta breyk-poynt qayd etgan. Bu tennischilarning o'zaro o'tkazgan ilk uchrashuvi edi.