LIVE Богдан Гусков жанг қиладиган UFC 323 турнирининг эрта прелим жанглари якунланди

Оқшомнинг асосий жанги ўта енгил вазн тоифасида амалдаги UFC чемпиони грузиялик Мераб Двалишвили ҳамда россиялик Петр Ян ўртасида бўлиб ўтади. Турнирнинг co-main event жанги энг енгил вазн чемпиони бразилиялик Александре Пантожа ҳамда мьянмалик даъвогар Жошуа Ван ўртасида кечади.

Биз учун аҳамиятлиси, турнирнинг асосий кардида ҳамюртимиз Богдан Гусков польшалик 42 ёшли собиқ чемпион Ян Блаховичга қарши октагонга кўтарилади. 

UFC 323 турнири. Асосий кард жанглари

Мераб Двалишвили (61.23 кг) – Пётр Ян (61.23 кг) – чемпионлик жанги

Александре Пантожа (56.7 кг) – Жошуа Ван (56.47 кг) – чемпионлик жанги

Брэндон Морено (56.7 кг) – Тацуро Тайра (57.15 кг)

Генри Сехудо (61.69 кг) – Пэйтон Талботт (61.69 кг)

Ян Блахович (93.44 кг) – Богдан Гусков (93.44 кг)

Прелим кард жанглари

Грант Доусон (70.76 кг) – Мануэль Роберто Торрес (70.76 кг)

Оқшомнинг сo-main event жанги иштирокчилари - энг енгил вазн тоифаси чемпиони бразилиялик Александре Пантожа ҳамда мьянмалик даъвогар Жошуа Ван аренага етиб келди.

Терренс МакКинни – Крис Дункан 

Мэйси Барбер – Карин Сильва 

UFC 323 турнири кардидан ўрин олган ягона аёллар жанги ўта енгил вазн тоифаси рейтингида бешинчи ўринни эгаллаб турган Мэйси Барбер Топ-10`таликдан жой олган Карин Сильвага қарши октагонга чиқди. Тўлиқ уч раунд давом этган жангда Мэйси ҳакамларнинг якдил қарори билан очколар ҳисобига кўра ғалаба қозонди. Биринчи раундда икки бор рақибасини самбишенга туширишга уринган Сильва фойдасига ҳал бўлганди.

Назим Садихов – Фарес Зиам 

Прелим карднинг илк жанги муддатидан аввал якунига етди. Енгил вазн тоифаси вакиллари жангида озарбайжонлик Назим Садихов UFC`даги илк мағлубиятини қабул қилиб олди. Дастлабки раундни Зиам ишонч билан ўз ҳисобига ёзиб қўйди. Иккинчи раунднинг сўнгги сонияларида дивизион келажаги сифатида қаралаётган Фарес Зиам Садиховни техник нокаутга учратди. Назим жанг тўхталишига эътироз билдирди, аммо рефери қарорини ўзгартирмади. Садихов UFC`даги илк мағлубиятини қабул қилди.

Эрта прелим кард жанглари

Марвин Веттори – Бруно Феррейра 

Эрта прелимнинг сўнгги жанги ғолиби ҳакамлар қарорига кўра аниқланди. Биринчи раунд Феррейра ҳисобига ёзилди. Веттори гонг чалинишига яқин фаоллашди, лекин кеч эди. Иккинчи раундда деярли тенг курашлар остида кечди. Лекин барибир Брунонинг ҳаракатлари аниқроқ кўринди. Учинчи раундда Марвин вазиятни ўз томонига ўзгартириш учун ҳаракат қилди, аммо бу умумий ғалаба учун камлик қилди. Феррейра ҳакамларнинг якдил қарори билан очколар ҳисобига кўра ғалаба қозонди. Энди у янгиланган рейтингда Ветторининг Топ-15`даги ўрнини эгаллайди.

Эдсон Барбоза – Жэлин Тернер 

Жэлин Тернер биринчи раунддаёқ фахрий жангчи, тажрибали аралаш яккакураш устаси Эдсон Барбозани нокаутга учратди.

Иво Бараневский – Ибо Аслан 

Яримоғир вазн тоифасидаги бу жанг ҳам муддатидан олдин тугади. Икки дақиқага ҳам чўзилмаган жангда Бараневски ва Аслан ҳақиқий "қонли уруш" уютиришди. Польшалик Бараневски рақибини нокаутга учратди. Иво Бараневски шу йил Дана Уайтнинг Даъвогар турнирдаги ғалабаси эвазига UFC промоушенидан шартнома олганди. Бу унинг дебют жанги бўлди. Туркиялик Ибо Аслан бундан аввалги иккита жангида ҳам мағлубиятга учраганди. Катта эҳтимол билан бу унинг UFC`даги сўнгги жанги бўлди.

Мансур Абдул-Малик – Антонио Троколи 

Ушбу жанг ҳам муддатидан аввал якунига етди. Бир дақиқаю тўққиз сонияда Абдул-Малик гильотина - бўйинни бўғиш усули билан бўйи новча рақибини самбешин қилди. Мансур Абдул-Малик мағлубиятсиз сериясини давом эттирди. Антонио Троколи Шара Буллет билан жанг ўтказгани билан танилганди.  

Муҳаммад Наимов – Майрон Сантос 

UFC 323 турнири кардини очиб берган илк жангда нокаут қайд этилди. Майрон Сантос учинчи раундда тожикистонлик Муҳаммад Наимовни иккилик зарбаси билан техник нокаутга учратди. Сантос биринчи ва иккинчи раундларда ҳам устунликка эришганди. Ҳар икки аралаш яккакураш устаси бугунги жангга қадар иккиталик ғалабали серия билан келаётганди.