Gandbol. Bugun O'zbekiston jahon chempionatiga yo'l olishi mumkin

Bugun, 23 sentyabr kuni musobaqa doirasida pley-off bahslari tashkil etiladi. 5-8 o'rinlar uchun to'rt terma jamoa bahs olib boradi. 

O'zbekiston terma jamoasi kuchli oltilikka kirish uchun mezbon Iordaniya terma jamoasiga qarshi o'ynaydi. Agar qizlarimiz mazkur bahsda g'alabaga erishsalar, shu yil dekabr oyida Ispaniyada tashkil etiladigan jahon chempionatiga yo'l oladilar. Ushbu o'yin Toshkent vaqti bilan soat 15:00da boshlanadi. Bugun o'tkaziladigan bahsda O'zbekiston terma jamoasiga omad tilaymiz. 

Ikkinchi juftlikda esa Suriya hamda Gonkong terma jamoalari JCH yo'llanmasi uchun bahs yuritadilar. 

Bungacha Janubiy Koreya, Eron, Yaponiya va Qozog'iston terma jamoalari yarim finalga chiqib, jahon chempionati yo'llanmasini naqd qilib qo'ygandilar.