Рио-2016. 15-кун. Ўзбекистонлик спортчилар: Шокин бронза учун кечган баҳсда мағлуб бўлди

ЯНГИЛАШ

06:00. Олтин зарбани кореялик спортчи берди. Афсус, кутган спортчимиз медални қўлга кирита олмади

05:58. Экстра тайм бошланди. Олтин зарбагача давом этадиган раунд. 

05:56. Учинчи раунд якунланди. Ҳисоб 3:3

05:54. Иккинчи раунд якунланди. Афсуски, ҳозирча Шокин 2:3 ҳисобида имкониятни бой беряпти. Ча Дон Мин олдинда

05:51. Иккинчи раунд давом этяпти. Шокин 2:1 ҳисобида олдинга чиқиб олди

05:49. Биринчи раунд якунланди. Ҳисоб очилганича йўқ. 

05:48. Ҳеч бўлмаганда бронза медалини қўлга киритиш шарт. Бу спортчиимиздан ҳамма олтин кутган эди.  

05:40. Дмитрий Шокин бронза медали учун кореялик спортчига қарши даянга чиқди. Унга омад тилаймиз. 

00:20. Бу орада Рио Олимпиадасида олтин медални қўлга киритган боксчимиз Ҳасанбой Дўстматовнинг профессионал боксга ўтгани маълум бўлди. У промоутерлик компанияси билан шартнома имзолади.

00:05. Дима финалга чиқиш учун нигерлик спортчига қарши даянга чиқади. Ушбу жанг Тошкент вақти билан соат 01:15 да бўлиб ўтади.

23:57. Бу орада Дмитрий Шокин кубалик рақибига қарши жанг ўтказди ва... 1:1 ҳисобини қайд этди. Якунда эса фаоллик учун ҳакамларнинг қарорларига кўра ярим финал йўлланмасини қўлга киритди.

23:50. Бектемирга Олимпиаданинг кумуш медали топширилди.

23:47. Таэквондочимизнинг жанги бошланган.

23:42. Дмитрий Шокиннинг чорак финал жанги бошланмоқда!

23:35. Бектемирда 20 ёшидаёқ Олимпиада ва жаҳон чемпионатининг кумуш медаллари бор. Кейингиси олтин бўлади насиб қилса!

23:24. Бектемир кубалик рақибига имкониятни бой бериб қўйди ва кумуш медал соҳибига айланди. Майли, шунисига ҳам шукр...

23:20. Афсуски, дастлабки икки раунд рақиб фойдасига хал бўлди... Эхх хакамлар, хакамлар....

23:10. Жанг бошланди!

23:05. Энди навбат финалга! Кузатамиз!

22:55. Айни пайтда -56 кг вазн тоифасидаги боксчиларни тақдирлаш маросими бўлиб ўтмоқда. Ҳамюртимиз Муроджон Аҳмадалиевга бу маросимда бронза медали топширилди. Муроджонни яна бир бор табриклаб қоламиз!

22:22. Бокс баҳслари бошланган. Бектемирнинг финал жанги эса соат 23:00га режалаштирилган.

22:00. Бир соатдан сўнг Бектемир Мелиқўзиев Олимпиада чемпионлиги учун кубалик Арлен Лопесга қарши рингга чиқади! Кутамиз!

21:45. Қизларимиз финалга чиқадиган 8 та терма жамоа қаторидан ўрин ола билмадилар... Ўзбекистон терма жамоаси ушбу саралашда 12-ўринни эгаллади.

21:25. Гимнастикачиларимиз иккинчи чиқишда 16,750 бал тўплашди. Аммо, бу натижа финалга чиқиш учун камлик қилса керак. Қолганларнинг натижасини кутамиз.

21:21. Айни пайтда эса гимнастикачи қизларимиз ўз чиқишларини намойиш этмоқдалар.

21:20. Эслатиб ўтамиз, бугун 23:00 да боксчимиз Бектемир Мелиқўзиев кубалик боксчига қарши финал жангини ўтказса, 23:45 да таэквондочимиз Дмитрий Шокин ҳам кубалик рақибга қарши жанг қилади.

21:10. Бироздан сўнг машқларни бажариш навбати бизнинг қизларга келади.

20:40. Энди қизларимиз иккинчи дастурда чиқиш қиладилар.

20:00. Гимнастикачиларимиз биринчи чиқишдан сўнг 14,416 бал тўплаган ҳолда 14 та мамлакат ичида 13-ўринни эгаллаб турибдилар... Сўнги ўринда эса америкаликлар.

19:00. Энди у чорак финалда кубалик спортчига қарши жанг қилади.

18:52. Иккинчи раунд ҳам ҳамюртимиз фойдасига 7:2!

18:48. Биринчи раунд Шокиннинг 3:1 ҳисобидаги ғалабаси билан якунланди.

18:45. Ҳамюртимизнинг жанги бошланди! Олға, Дима!

18:40. Бироздан сўнг таэквондочимиз Дмитрий Шокин илк жангини ўтказади!

18:33. Бадиий гимнастикада терма жамоамиз шарафини ҳимоя қиладиган қизларнинг исм-шарифлари: Луиза Ганиева, Зарина Қурбонова, Марта Ростобурова, Самира Амирова ва Валерия Давидова.

18:30. Бизнинг спортчилар тўққизинчи бўлиб ўз чиқишларини намойиш этадилар. Ҳозирча, олтинчи тартиб рақамдаги Россия терма жамоаси чиқиш қилмоқда.

18:15. Бадиий гимнастикада жамоавий баҳслар старт олди. Бу мусобақада бизнинг қизлар ҳам иштирок этишлари кутилмоқда.

17:26. Пойгани жуда яхши бошлаган вакилларимиз афсуски, кучни тўғри тақсимлай олмадилар. Спортчилар финишга етиб боришди. Бизнинг шоввозлар финишга энг сўнгги бўлиб етиб келишди...

17:22. Бошланди!

17:00. Спортчиларимизнинг иштирокларига оз вақт қолди.

16:25. Бизнинг спортчилар иккинчи йўлакда стартга чиқадилар.

16:00. Ҳамюртларимизнинг бугунги иштирокларига каноечиларимиз Герасим Кочнев ҳамда Серик Мирбековлар 1000 метрга эшкак эшиш баҳсларида финалга чиқадилар. Уларга ушбу финалда Венгрия, Украина, Германия, Бразилия, Чехия, Куба ва Россиядан ташриф буюрган спортчилар рақиблик қиладилар. Агар бизнинг азаматлар ушбу пойгада кучли учликка кира олсалар, бугунги дастлабки медалимиз нақд бўлади!

14:50. Бугун қуйидаги спортчиларимиз юртимиз шарафини ҳимоя қиладилар:

Герасим Кочнев, Серик Мирбеков - (Каноеда эшкак эшиш, жуфтлик, финал) - 17:22

Бадиий гимнастика терма жамоамиз - саралаш - 18:00

Дмитрий Шокин - (Таэквондо, саралашдан финалгача) - 18:45

Бектемир Мелиқўзиев - (Бокс, финал) - 23:00

Светлана Радзивил - (Енгил атлетика, баландликка сакраш, финал) - 04:30

14:45. Ассалому алайкум. Рио Олимпиадасида қатнашадиган ўзбекистонлик спортчиларнинг иштирокларига оид маълумотлар беришни бошлаймиз.