08 апр 10:15
Янгиликлар
Бокс/ММА
"Қирол Кубоги". Ҳасанбой ва Шаҳрам финалда жанг ўтказмайди
Бугун халқаро турнирнинг ҳал қилувчи финал жанглари бўлиб ўтади. Ушбу босқичга 7 боксчимиздан 4 нафари - Ҳасанбой Дўсматов, Шаҳрам Ғиёсов, Исроил Мадримов ва Элнур Абдураимов етиб келганди.
Афсуски, олтин медал учун асосий даъвогар бўлган чарм қўлқоп усталаримиз - Рио Олимпидаси чемпиони Ҳасанбой Дўсматов ва Олимпиаданинг кумуш медал совриндори Шаҳрам Ғиёсов бугунги финал жангларида рингга кўтарилишмайди.
Мураббийлар штаби ўзаро муҳокамадан сўнг шундай қарорга келган. Бугун Ҳасанбой Дўсматов финалда Ҳиндистон терма жамоаси аъзоси Шиам Кумар Какарага, Шаҳрам Ғиёсов эса ёшлар ўртасида жаҳон чемпиони, қозоғистонлик Садриддин Аҳмедовга қарши рингга чиқиши лозим эди.
Маълумот учун, Элнур Абдураимов бугун олтин медал учун баҳсда таиландлик Вуттичаи Масук билан жанг ўтказади. Исроил Мадримовнинг рақиби эса кубалик Ослей Иглесиас Эстрада бўлади.
Тўлқин Қиличев: “Ҳасан ҳам, Шаҳрам ҳам рақибидан кучли эди”
Ҳавола :
Манба : olamsport.com
Фикрлар