UZ

Сўнгги янгиликлар

18:52Дариуш Махачевни мағлуб этишига ишонмоқда 0 18:31Шон О'Мэлли Конор Макгрегор билан жанг учун вазнини ўзгартиришга тайёр 0 18:10"Реал Мадрид" Кроосга ўринбосар топди 0 17:48Фьюри: "Агар Усик ғалабани мендан кўра кўпроқ истаса - у ютади" 0 17:25Махачев UFC 302 турниридаги жанги олдидан Порьега мурожаат қилди 0 17:01UFC Саудия Арабистонида ҳам катта турнир ташкил этади 0 16:38"Барселона" ҳужум чизиғини кучайтирмоқчи 0 16:16Ломаченко Камбососни мағлуб этса кейинги рақиб ким бўлади? Промоутер жавоб берди 0 15:53Том Круз Париж Олимпиадасининг ёпилиш маросимида иштирок этади 0 15:27"Ижтимоий тармоқда кўпроқ пул топдим". Шон О'Мэлли UFCдаги гонорарлардан норози 0 15:05EЧЛ ҳафта футболчисига номзод футболчилар маълум 0 14:44Astana Barysy Grand Slam`га қуръа ташланди. Дзюдочиларимиз иштирокларини кимларга қарши бошлашади? 0 14:39Рим WTA 1000. Осака, Кенин ва бошқаларда ғалаба, Векичда мағлубият, ёмғир сабаб қолдирилган ўйинлар 0 14:18Энтони Смит UFC`нинг таклифини рад этди 0 13:57Анчелотти "Бавария"нинг шикоятларига жавоб қайтарди 0

09 апр 19:32
Янгиликлар

Болалар спорти

«Баркамол авлод»: финал босқичи доирасида Президент соврини учун кураш қизғин кечмоқда

Теглар :  Баркамол авлод
Хабарингиз бор, 2021 йилнинг декабрь ойидан бошлаб «Баркамол авлод» спорт ўйинларининг республика финал босқичига старт берилган эди.

Ортда қолган вақт давомида мазкур мусобақанинг финал босқичи дастуридан ўрин олган 11 та спорт тури бўйича мусобақалар бўлиб ўтди.

Эслатиб ўтамиз, академик лицей ва профессионал таълим муассасалари ўқувчи-ёшлари ўртасида ўтказилаётган мусобақанинг республика финал босқичи доирасида баскетбол, волейбол, гандбол, футбол, дзюдо, кураш, енгил атлетика ва бадминтон спорт турлари бўйича мусобақаларда ғолиб совриндорлар аллақачон аниқланди.



Ҳаммамизга маълумки, 12 та спорт туридан ўтказилувчи «Баркамол авлод» спорт ўйинларининг республика финал босқичи якунида 14 та ҳудуднинг ҳар бир мусобақа давомида тўплаган очколари ҳисобига кўра умумжамоа ҳисобида ғолибликни қўлга киритган ҳудуд аниқланади.

Ўтказилган 11 та мусобақадан сўнг, якуний жадвални самарқандлик спортчилар 123 очко билан бошқариб туришибди. Сабаби улар баскетбол, гандбол, кураш, дзюдо, волейбол ва бадминтон спорт турларидан ўтказилган мусобақаларда умумжамоа ҳисобида 1 марта чемпионликни, 2 марта 2-ўринни ва 4 марта 3-ўринни қўлга киритишди.



Жадвалнинг иккинчи ўринида 116 очко билан Хоразм вилояти вакиллари жой олган. Эътиборлиси, улар бирор марта ҳам мусобақани умумжамоа ҳисобида 1-ўринда якунламаган, лекин хоразмликлар ўтказилган 5 та мусобақада 3 марта иккинчи, 2 марта учинчи ва яна 2 марта тўртинчи ўринларни эгаллаганликлари учун тўплаган очколари салмоқли кўринишга эга.

Жадвалнинг учинчи ўринини фарғоналик ўқувчи-ёшлар банд этишган. 101 очко жамғарган водийликлар волейбол бўйича ўтказилган ҳар икки мусобақада чемпионликни тантана қилишган, шунингдек, улар яна икки мартадан иккинчи ва учини ўрин билан тақдирланишган.

«Баркамол авлод» спорт ўйинларининг республика финал босқичи якунига қадар яна 4 та мусобақа ўтказилади. Шу боисдан ушбу жадвалда ҳудудлар бир неча марта ўзаро ўрин алмашишлари мумкин.

Эслатиб ўтамиз, финал босқичи якунида жадвалнинг юқори учлигидан ўрин олган ҳудудларнинг спортчи-ёшларига Президент соврини топширилади.


Рейтинг:    

Фикрлар

< сўнгги янгиликларни кўриш

Olamsport ни Facebook да ўқиш
учун "Yoqdi"ни босинг