16 сен 11:35
Янгиликлар
Фазлиддин Ғоибназаров: “Биз ўзимиздан кетиб қолганимиз йўқ”
Бу эса кенг омма орасида яхшигина шов-шув ва гап-сўзга сабабчи бўлганди. Боксчимиз ўзининг “Фейсбук”даги саҳифасида бу ҳолатга муносабатини билдирди.
“Ассалому алайкум, азизлар! Барчангизга қўллаб-қувватлаб, кўрсатган эътиборингиз учун катта раҳмат. Куни-кеча мухлислар билан тушган суратимизни ўз билганича талқин қилган инсонларга қарата айтмоқчиман. Аллоҳга беҳисоб шукрки, икки шириндан-шакар фарзандим ва севиб уйланган аёлим бор. Улар мен учун жуда азиз.
Сиз бундай гапларни айтишдан олдин, ўзганинг шахсий ҳаётининг шу жиҳатларини мулоҳаза қилиб кўришингизни илтимос қилардим. Аллоҳга шукр, давлатимиз, халқимиз қўллаб-қуватлаб тургани учун чемпион бўлдик.
Биз ўзимиздан кетиб қолганимиз йўқки, суратга тушишни сўраган кишиларга рад жавоби бермадик. Суратга тушишни истаган инсонларнинг барчасига, акамиз, укамиз, опамиз ва синглимиз каби қараймиз. Албатта, сиз қилаётган гумонлар, сизнинг бошингизга келаётган хаёллар ҳаётдан йироқ”, - дея фикр қолдирган Олимпиада чемпиони Ғоибназаров.
Фикрлар