UZ

Сўнгги янгиликлар

08:48Париж-2024 Олимпиадасида стол теннисчиларимиздан ҳеч ким бўлмайди 0 08:27Суперлига. Бугун Наманганда водий дербиси бўлиб ўтади 0 08:06Рим WTA 1000 турнири бош соврини кимга насиб этди? 0 07:45UFC Fight Night 241 турнирининг марказий жанги тўлиқ 5 раунд давом этди 0 07:24Бугун Жаҳон чемпионатининг илк куни 5 нафар дзюдочимизга мухлислик қиламиз 0 07:03"Байер" мавсум стартидан бери 51 та мағлубиятсиз ўйин ўтказди. Олдинда иккита учрашув қолди 0 00:07Роналду Усик – Фьюри жангига ташриф буюради. Унинг ёнида Жошуа ўтиради 0 23:50Жаҳонгир Жумаев таниқли UFC собиқ жангчисини илк раунддаёқ нокаутга учратди! 0 23:20Жангига Ўзбекистонда тайёрланган Сергей Ковалёв Фьюри-Усик кардида рингга чиқди 0 23:10Тайсон Фьюри Александр Усикга қарши! ОНЛАЙН 3 20:12Моҳигул Ҳамдамова делегациямизга навбатдаги кумуш медални қўшиб қўйди 0 19:51"Реал" "Ливерпуль"нинг 70 млн евролик футболчисини сотиб олиши мумкин 0 19:30Усик Фьюрига: "Қўрқма!" 0 19:09Парижда ўтган Bellator турнирининг марказий жанги ғолибини ҳакамлар аниқлаб беришди 0 18:48Камару Усман Хамзат Чимаев ҳақидаги танқидларга муносабат билдирди 0

23 апр 13:42
Янгиликлар

От Спорти

FEI Jumping Children`s Classic Final-2019. Бош соврин Ўзбекистонда қолди

Тошкент вилояти Бўстонлиқ туманида жойлашган “Аллюр” от спорти клубида уч кун давом этган “FEI Jumping Children`s Classic Final-2019” халқаро болалар кубоги якунига етди.

Йирик халқаро мусобақада сайёрамизнинг беш қитъасидаги 12 давлатдан йиғилган энг иқтидорли чавандозлар ғолиблик учун баҳс олиб борди. Мусобақа нуфузи ҳам жуда юқори, уни бемалол жаҳон чемпионати билан қиёслаш мумкин.

Негаки “Аллюр” от спорти клубида кечган қизиқарли беллашувларда оддий спортчилар эмас, балки ўз минтақасида ном қозонган, қайсики саралаш босқичидан муваффақиятли ўтган энг иқтидорли чавандозлар иштирок этди. 

Мусобақанинг сўнгги кунида иштирокчилар баландлиги 1 метру 10 сантиметр бўлган тўсиқлардан сакраш бўйича ўзаро баҳслашди. Шуниси эътиборлики, илк уринишда бирйўла 10 (!) нафар ёш чавандоз деярли бир хил натижани қайд этди ва ғолибни аниқлаш учун яна қайта сакрашига тўғри келди. 

Ана шу 10та омадли чавандоз сафидан ўзбекистонлик спортчиларнинг барчаси ўрин олишгани ҳам таҳсинга лойиқ.

Иккинчи уринишда ҳамюртимиз Ли София энг паст натижа кўрсатган бўлса, яна бир вакилимиз Абдураҳмон Абдуллаев 5-ўринни қўлга киритди. Зокир Тўражонов ўзининг Чарльз Терон лақабли отида белгиланган масофани атиги 35 сонияда ва бехато босиб ўтди. Бу натижа уни мусобақа пешқадамига айлантирганди.

Аммо Зокирнинг қувончи узоққа чўзилмади, орадан кўп ўтмай яна бир вакилимиз Мирёқуб Исмоилов Лэди лақабли оти билан унданда яхшироқ натижа кўрсатди. Кўпчилик “FEI Jumping Children`s Classic Final-2019” мусобақасининг олтин ва кумуш медаллари мезбонларга насиб этишини тахмин қилиб турган бир паллада иккинчи босқичнинг сўнгги вакили россиялик Дарья Кукушкина Кардинал лақабли тулпорида ажойиб чиқиши билан Мирёқубдан атиги 0,01 сонияга ортда қолган ҳолда якунда иккала ўзбекистонлик чавандоз орасидан жой олди.

Шу тариқа “FEI Jumping Children`s Classic Final-2019” мусобақасида ҳамюртларимиз олтин ҳамда бронза медалига сазовор бўлди. Дарья Кукушкина эса ўзининг дастлабки халқаро мусобақасида ажойиб натижа қайд этди. У дастлабки кунги мусобақаларда олтин, шанба куни эса бронза медалини қўлга киритган эди. Кеча эса унинг медаллар қоллекцияси кумуш билан бойиди.

Мусобақанинг ёпилиш маросимида ғолиб ва совриндорлар ташкилотчилар томонидан медал ва эсталик совғалари билан тақдирланди. 

Рейтинг:    

Фикрлар

< сўнгги янгиликларни кўриш

Olamsport ни Facebook да ўқиш
учун "Yoqdi"ни босинг