Отда сайр қилаётиб оёғини синдириб олган Баутиста-Агут ҳолати ҳақида нималар деди?

Агут отдан йиқилиб, оёғини синдириб олгани сабабли 2023 йилги мавсумнинг уч ойини ўтказиб юборди.

- Бу фаолиятингиздаги энг оғир мавсумлардан бири бўлдими?

- Ҳа, шак-шубҳасиз. Бу оддий жароҳат эмасди. Синиш - жуда жиддий. Хурсандман, энди 100 фоизга соғломман.  Бундай жароҳат бошқа инсонларда тикланиш учун узоқ вақтни олиб қўйиши мумкин эди.

- Ўзи нима бўлганди?

- Оёғимдаги муҳим суякни синдириб олгандим. Отда кетаётгандим, у йиқилди ва чап оёғим отни остида қолди. Ўз вақтида вазиятга киришиб кетдим, бироқ оёғимни тўғри тортиб ололмадим ва от бор вазни билан оёғимни босиб қолди. Биз тез ҳаракат қилганлигимиз учун зарба кучи ҳам катта бўлди.

- Омадим келди, деб ҳисоблайсизми?

- Ҳа, чунки бундай ҳолатда оёқни бундан-да жиддийроқ синдириб, ярим йилга ҳам сафдан чиқишим мумкин эди.