30 янв 11:14
Янгиликлар
Рейтинг. Истомин 37, Федерер 7 поғонага кўтарилиб олди
Унга кўра, мамлакатимизнинг биринчи рақамли теннисчиси Денис Истомин икки ҳафта аввалги ўрнига нисбатан 37 поғонага кўтарилиб олди. Айни пайтда ҳамюртимиз роппа-роса 80-ўринни эгаллаб турибди.
Хабарингиз бор, Денис Истомин кеча якунига етган “Катта
Дубулға” туркумига кирувчи Австралия Очиқ чемпионатининг яккалик баҳсларида
нимчорак финалга қадар етиб борган эди.
Истомин турнирнинг илк даврасида хорватиялик Иван Додигни, иккинчи босқичда дунёнинг иккинчи ракеткаси, сербиялик Новак Жоковични, учинчи даврада испаниялик Пабло Бустани мағлубиятга учратишга муваффақ бўлганди.
Айниқса, Жоковичнинг беш сет давом этган драматик учрашув якунида мағлуб этилиши бутун теннис оламида катта шов-шувга сабаб бўлганди. Рейтингда иккинчи ракеткамиз Санжар Файзиев 367-ўринда эътироф этилди.
Австралия Очиқ чемпионати ғолибига айланган швейцариялик теннис афсонаси Рожер Федерер 7 поғонага кўтарилиб, кучли ўнталикка қайтди. У роппа-роса 10-ўринни эгаллаб турибди. Финалчи Рафаэль Надаль эса 9-поғонадан 6-ўринга кўтарилди.
АТР РЕЙТИНГИ. 30 ЯНВАРЬ КУНГИ ҲОЛАТ:
1 (1) Энди Маррей (Буюк Британия) 11540
2 (2) Новак Жокович (Сербия) 9825
3 (4) Стэн Вавринка (Швейцария) 5695
4 (3) Милош Раонич (Канада) 4930
5 (5) Кеи Нисикори (Япония) 4830
6 (9) Рафаэль Надаль (Испания) 4385
7 (7) Марин Чилич (Хорватия) 3560
8 (8) Доминик Тим (Австрия) 3505
9 (6) Гаэль Монфис (Франция) 3445
10 (17) Рожер Федерер (Швейцария) 3260
80 (117) ДЕНИС ИСТОМИН (ЎЗБЕКИСТОН) 668...
367 (367) САНЖАР ФАЙЗИЕВ (ЎЗБЕКИСТОН) 123...
Изоҳ: Қавс ичида теннисчиларнинг икки ҳафта аввалги ўринлари берилган
Фикрлар