16 nafar dzyudochimiz Abu-Dabi "Katta Dubulg'a" turniriga boradi

Dunyoning 4 qitasi 33 mamlakatidan jami 236 (163 erkak, 73 ayol) nafar dzyudochi ishtirok etadigan mazkur musobaqada O'zbekiston terma jamoasi ham medallar uchun tatamiga chiqadi. 

Mukofot jamg'armasi 154 000 evroni tashkil qiluvchi Abu-Dabi "Katta Dubulg'a" turnirida 16 nafar dzyudochimiz bahslarga kirishadi. Erkaklar terma jamoasi har bir vaznda ikki nafardan dzyudochi bilan qatnashadi. 

Abu-Dabiga yo'l oladigan tarkib: 

Erkaklar: 

-60 kg: Samariddin Qo'chqorov, Kamoliddin Baxtiyorov

-66 kg: Muhriddin Tilovov, Ismoil Nishonboev 

-73 kg: Muhriddin G'iyosov, SHavkat Saitqulov 

-81 kg: Suhrob Tursunov, Zulfiddin Usmonov

-90 kg: Nurbek Murtozoev, Jaloliddin Qurbonmurodov

-100 kg: Zufarbek O'rolov, Ernazar Sarsenbaev 

+100 kg: Muhammadqodir Mansurov, O'tkirbek To'raboev.

Ayollar: 

+78 kg: Fotima Quramboeva, Durdona Nizomaddinova.