193 sportchi World Athleticsdan moliyaviy yordam oladi

Jamg'armasi orqali beriladigan ushbu grantlar koronavirus pandemiyasi sababli moliyaviy qiyinchilikka tushib qolgan professional sportchilarni qo'llab-quvaatlash maqsadida taqdim etilgan.

Dastavval grantlarning umumiy miqdori 500 ming AQSH dollarini tashkil etgan edi. Jamg'arma tashkil etilganligi to'g'risida elon qilinganidan keyin qo'shimcha badallar kelib tushishi hisobiga grantlarning umumiy miqdori 600 ming AQSH dollariga etdi.

Xalqaro engil atletika jamg'armasi belgilab qo'yilgan oxirgi muddatgacha (31 may) 261 professional sportchidan grantlar uchun buyurtmalar oldi. “World Athletics” prezidenti Sebastyan Koe boshchiligidagi ekspert ishchi guruhi nazorati ortida buyurtma bergan professional sportchilarning grant olish shartlariga muvofiqligi baholandi.

Grant olish uchun belgilangan shartlarga ko'ra, professional sportchilar daromadlari 2020 yilda 2019 yildagiga nisbatan jiddiy tarzda kamayganligini isbotlashlari hamda biror marta doping qoidalarini buzmagan bo'lishlari kerak edi.

Haqiqatan ham moliyaviy qiyinchilikka duch kelgan sportchilarni qo'llab-quvvatlash maqsadida grantlar jahon reytingida birinchi oltilikdan o'rin olgan hamda 2019 yilda “Gold Label Road race” turnirining har qanday musobaqasida birinchi olti o'rinni qo'lga kiritgan, shuningdek, 2019 yilda “Brilliant liga”da 6000 dollardan ko'p mukofot puli olganlarga berilmasligi ham belgilab qo'yilgan edi.