2022 yildan "Devis Kubogi"ning guruh bosqich bahslari sentyabr oyida o'tkaziladi

2022 yildan boshlab musobaqaning guruh bosqichi sentyabr oyida (pley-off bosqichidan alohida) o'tkaziladi. Joriy mavsumda 16 ta jamoa 14-18 sentyabr kunlari to'rtta shaharda o'ynaydi. 23-27 noyabr kunlari chorak final, yarim final va final bahslari bir shaharda bo'lib o'tadi. Ikki bosqichning ajratilishiga tennischilar va sardorlarning ko'plab iltimoslari sabab bo'ldi. Bu qaror mavsumni bir hafta oldin yakunlash imkonini beradi.

Mart oyida kuzgi o'yinlar o'tkaziladigan shaharlar nomi malum bo'ladi. Ishtirokchi mamlakatlarning to'liq ro'yxati ham aniqlanadi. Hozircha faqat to'rtta jamoa malum - amaldagi finalchilar Rossiya va Xorvatiya, shuningdek, wild card olgan Serbiya va Buyuk Britaniya.