2023 yilgi Butunjahon sohil o'yinlarining sanasi elon qilindi

Unga ko'ra, ushbu xalqaro musobaqa 2023 yilning 24-30 sentyabr kunlari bo'lib o'tadi.

SHu yil may oyida ANOC mazkur musobaqalarni 2021 yilga ko'chirish to'g'risida qaror qabul qilgan edi. Tashkilotning Ijroiya qo'mitasi kengashi koronavirus pandemiyasi tufayli belgilangan tadbirni o'tkazmaslik to'g'risida qaror qabul qildi.

Bu Milliy olimpiya qo'mitalariga butun diqqat-etiborlarini 2021 yildagi “Tokio-2020” yozgi Olimpiya o'yinlari va 2022 yilda Pekinda o'tkaziladigan qishki Olimpiya o'yinlariga qaratish imkonini beradi.

Malumot uchun, I Butunjahon sohil o'yinlari 2019 yil oktyabr oyida Qatarda o'tkazilgan edi. 2023 yilga mo'ljallangan O'yinlarning mezboni hozircha elon qilingani yo'q.