2024 yilgi Amerika Kubogi qaerda bo'lib o'tadi?

Amerika Kubogi-2024 AQSHda o'tkazilishi rejalashtirilgan. Bu haqda KONMEBOL (Janubiy Amerika Futbol Konfederaciyasi) va KONKAKAF (SHimoliy va Markaziy Amerika Futbol Konfederaciyasi) birgalikda malum qildi.

Musobaqada 16 ta jamoa ishtirok etadi: 10 tasi Janubiy Amerika, 6 tasi KONKAKAF mintaqasi vakili. SHimoliy va Markaziy Amerikaning terma jamoalari o'z mintaqasidagi Millatlar Ligasi orqali musobaqaga saralanadi.

Eslatib o'tamiz, 2016 yilda AQSH Kopa Sentenario deb ataladigan turnir – Amerika Kubogining yuz yilligi sharafiga musobaqa o'tkazgandi. Unda ham 16 ta jamoa ishtirok etgandi, ulardan oltitasi KONKAKAF zonasi vakili edi. Finalda Argentinani penaltilar seriyasiga ko'ra mag'lub etgan CHili chempionlikni qo'lga kiritgandi.

Amerika Kubogining amaldagi g'olibi Argentina terma jamoasi bo'lib, bir yildan so'ng jahon chempioni bo'ldi.