2030 yilgi Osiyo o'yinlari mezbonligi kimga nasib etadi? O'zbekiston musobaqani o'tkazadimi?

Malum bo'lishicha, musobaqa mezbonligi uchun ariza berish muddati 2020 yilning 22 aprel kuni yakuniga etgan. 23 aprel kuni Osiyo Olimpiya qo'mitasi Doha va Ar-Riyod shaharlari mezbonlik uchun nomzodni qo'ygani haqida rasmiy malumot berdi. Ko'rib turganimizdek, Toshkent va Samarqand shaharlari ushbu ro'yxatda yo'q. 

Olamsport.com sayti muxbiri ushbu vaziyatga aniqlik kiritish maqsadida mutassaddi tashkilotlarga murojaat qildi. 

O'zbekiston shu paytga qadar qita miqyosida yirik  kompleks musobaqalarini o'tkazish tajribasiga ega bo'lmaganligi bois bu ishni bosqichma-bosqich amalga oshirish maqsadga muvofiq deb topilgan. SHu bois, birinchi navbatda Yoshlar o'rtasida Osiyo o'yinlarini o'tkazish, keyinchalik Osiyo o'yinlari mezbonligini qo'lga kiritish maqsadga muvofiqligi malum bo'ldi. Bu esa kelajakda Jahon miqyosidagi Olimpiya o'yinlariga mezbonlik qilishda zamin yaratadi. Rejaga ko'ra, O'zbekiston 2025 yili o'tkaziladigan to'rtinchi yoshlar Osiyo o'yinlariga mezbonlik huquqini qo'lga kiritishga yaqin turibdi va bu borada tegishli mutassadi tashkilotlar bilan ishlar olib borilmoqda.