232 kishidan iborat O'zbekiston sport delegaciyasi "Osiyo bolalari" kompleks musobaqasiga yo'l oldi + FOTO

O'z tarixida sakkizinchi bor tashkil etilayotgan musobaqada 232 kishidan iborat O'zbekiston sport delegaciyasi ham qatnashadi. Ulardan 179 nafari sportchilar, 39 nafari murabbiylar hisoblanadi. Atletlarimiz 16 ta sport turida yurtimiz sharafini himoya qiladilar.   

Biroz avval Islom Karimov nomidagi Toshkent xalqaro aeroportida O'zbekiston sport delegaciyasini tantanali kuzatish marosimi bo'lib o'tdi. Unda O'zbekiston Respublikasi sport vaziri o'rinbosari SHahrillo Mahmudov va boshqa masullar ishtirok etib, sportchilarimizga bo'lajak masuliyatli bahslarda omad tilashdi.

2022 yili Rossiyaning Vladivostok shahrida o'tgan VII "Osiyo bolalari" musobaqasida O'zbekiston terma jamoasi 41 ta oltin, 28 ta kumush, 45 ta bronza, jami 114 ta medal bilan davlatlar kesimida umumjamoa hisobida Rossiyadan keyin ikkinchi o'rinni egallagandi. 

Bu galgi "Osiyo bolalari" musobaqasi o'zining tarixiy vataniga qaytgan. Yakutskda 24 ta sport turida jami 239 ta medallar jamlanmasi o'ynaladi. Sport bellashuvlari jami 16 ta sport obektida o'tkaziladi. "Osiyo bolalari" musobaqasining tantanali ochilish marosimi ertaga, 26 iyun kuni "Tuymaada" stadionida bo'lib o'tadi.