38 yoshli Federerning finaldagi raqibi 20 yoshli Aleks bo'ladi

Dunyo reytingida 28-o'rinni egallab turgan 20 yoshli bu istedod egasi 1/2 finalda amerikalik Reylli Opelkaga qarshi kortga chiqdi. Aleks 2 soatu 33 daqiqa davom etgan dramatik bahsda dunyoning 37-raketkasini 7/6(2), 6/7(4), 7/6(3) hisobida mag'lub eta oldi.

Aleks uchrashuv davomida 14 ta, 22 yoshli Opelka esa 26 ta eys zarbasini amalga oshirdi. De Minaur amerikalik bilan o'zaro uchrashuvlarda endi 4:0 hisobida oldinda bormoqda. Bugun Aleks bosh sovrin bahsda o'zidan 18 yoshga katta tennis afsonasi Rojer Federerga qarshi kortga chiqadi.