4th President Cup Masters 2025 xalqaro shaxmat turniri yakunlandi

O'zbekiston shaxmat federaciyasi matbuot xizmatining xabar berishicha, mazkur turnirda 16 davlatdan 354 nafar shaxmatchi ishtirok etdi. Musobaqaning umumiy mukofot jamg'armasi 80 000 AQSH dollarini tashkil etdi. 

Eng kuchlilar jam bo'lgan “Masters” guruhida Hindiston, Armaniston, Rossiya, Germaniya kabi davlatlarning etakchi shaxmatchilari ishtirok etdi. O'zbekiston sharafini SHamsiddin Vohidov, Abdisalimov Abdimalik va Madaminov Muhiddin munosib himoya qildi. 

Bu guruhda birinchi raqam ostida saralangan hindistonlik Nihal Sarin muddatidan avval chempionlikni naqd qilgani haqida xabar bergan edik. U kuchli uchlikdan joy olgan hamyurtlarimizni ikki ochkoga ortda qoldirdi. CHempion bosh sovrin bilan birga 8000 AQSH dollari miqdoridagi mukofot pulini ham qo'lga kiritdi. Qo'shimcha ko'rsatkichlarga ko'ra ikkinchi o'rinni egallagan Muhiddin Madaminov 6000, uchinchi o'rin egasi SHamsiddin Vohidov esa 5000 dollarga ega bo'ldi.   

"Masters" guruhi yakuniy natijalari:

1-o'rin — Nihal Sarin (Hindiston, 2701) — 7 ochko, 8 000 AQSH dollari

2-o'rin — Madaminov Muhiddin (O'zbekiston, 2552) — 5 ochko, 6 000 AQSH dollari

3-o'rin — Vohidov SHamsiddin (O'zbekiston, 2641) — 5 ochko, 5 000 AQSH dollari

“Open-A” guruhi

1-o'rin — Abdilxayr Abilmansur (Qozog'iston, 2378) — 7,5 ochko, 6 000 AQSH dollari

2-o'rin — Nguen Kvok-Xi (Vetnam, 2418) — 7 ochko, 4 000 AQSH dollari

3-o'rin — Mahdavi Reza (Eron, 1942) — 7 ochko, 3 000 AQSH dollari

“Open-B” guruhi

1-o'rin — Pardaev Sulton (O'zbekiston, 1663) — 8 ochko, 3 000 AQSH dollari

2-o'rin — Mamatsaloev SHohjahon (O'zbekiston, 1818) — 8 ochko, 2 000 AQSH dollari

3-o'rin — Belov Andrey (FIDE, 1821) — 7,5 ochko, 1 500 AQSH dollari