10 may 07:03
Yangiliklar

Velosport

9 may – Xotira va qadrlash kuni munosabati bilan faxriy velosportchilarga ehtirom ko'rsatildi

Turizm va sport vazirligi, Milliy olimpiya qo'mitasi hamkorligida O'zbekiston velosiped sporti federaciyasi tomonidan 9 may - Xotira va qadrlash kuni munosabati bilan faxriy sportchilar ishtirokida bayram tadbiri tashkil etildi.

Ularning hayot yo'llari, erishgan yutuqlari xususida so'z yuritilib, yurtimizdagi tinchlik-osoyishtalikning qadriga etish kerakligi aytildi.

Faxriy sportchilar takidlaganidek, bugungi osoyishta va farovon hayotga erishish uchun qanchadan-qancha bobolarimiz jasorat ko'rsatib, jang maydonlarida halok bo'lishgan. Urush atalmish dahshatli bu balo, xalqimizning, ajdodlarimizning boshiga ne-ne qaro kunlarni solmagan?

Faxriylar dasturxon atrofida bugungi tinch-osoyishta zamonamizga shukronalar keltirib, Mustaqilligimiz boqiy bo'lsin, deya duoga qo'l ochdilar.

Ularga ko'krak nishonlari hamda esdalik sovg'alari topshirildi.