A Seriya. 8 ta sariq, 2 ta qizil, 3 ta gol va "Yuventus"ning g'alabasi

Bahs haqiqiy kurashlarga boy bo'ldi. Birinchi bo'limning 25-daqiqasida "Napoli" himoyachisi qo'pol xatoga yo'l qo'ydi. Malkuit darvozabonga juda sust to'p uzatdi va buning natijasida Ronaldu Meret bilan birga-bir vaziyatga chiqib neapolliklar posbonidan o'tib ketdi. Uning yo'lini qo'pollik evaziga to'sgan Meretga qizil kartochka ko'rsatildi. Jarima zarbasini Miralem Pyanich muvaffaqiyatli amalga oshirdi. Bir oz vaqt o'tib, 1 kishi kam bo'lib qolgan Anchelotti shogirdlari juda yaxshi vaziyatga ega bo'lishdi. Zelinskining SHensni darvozasiga yo'llagan zarbasi ustun tegib, maydon chetiga ketib qoldi. 39-daqiqada Emre Jan hisobni 0:2 ko'rinishga keltirdi. 

Ikkinchi bo'limning boshida Miralem Pyanich o'zining uchrashuvdagi ikkinchi sariq kartochkasini olgan holda maydonni tark etdi. Futbolchilar soni tenglashganidan keyin mezbonlar xafvli hujumlar soni va sifatini oshirishdi. Natija esa uzoq kuttirmadi. 61-daqiqa. Kalexon jamoadoshi Lorenco Insinening uzatmasidan unumli foydalandi  — 1:2. 

Uchrashuvda boshqa to'p kiritilmadi va "Yuventus" turnir jadvalida eng yaqin taqibchisi hisoblangan "Napoli"dan 16 ochko ilgarilab ketdi. 

Napoli – Yuventus 1:2 (0:2, 1:0)

«San-Paolo»

Gollar: 0:1 – 28 Pyanich, 0:2 – 39 Djan, 1:2 – 61 Kalexon.

Napoli – Meret, Kulibali, Xyusay, Maksimovich, Malkyui (Mertens, 46), Zelinski, Allan, Kalexon (Una, 78), Fabian Ruis, Insine, Milik (Ospina, 27).

Yuventus – SHchensny, Kellini, Aleks Sandro, Joau Kanselu (De SHilo, 61), Bonuchchi, Pyanich, Djan, Matyuidi, Bernardeski (Dibala, 85), Mandjukich (Bentankur, 74), Ronaldu.

Ogohlantirishlar: Pyanich (34), Joau Kanselu (54), Maksimovich (77), Aleks Sandro (83), Kulibali (86), Allan (89), Bentankur (89), Dibala (90).

CHetlatishlar: Meret (25), Pyanich (47).