Abdixoliqov, Muhitdinov, Kenjaboev va Saitov "Nasaf"ni tekinga tark etishi mumkin

Bobir Abdixoliqov, SHarof Muhitdinov, Dilshod Saitov, Islom Kenjaboev va Ilhom Alijonov kabi futbolchilarning "Nasaf" bilan tuzgan shartnomalari 31 dekabr kuni yakuniga etadi (har holda klub futbolchilarni PFLdan ro'yxatdan o'tkazganida ushbu sana ko'rsatilgan) hamda ular 2022 yil 1 yanvar kunidan boshqa klubga erkin agent sifatida o'tishlari mumkin bo'ladi.

SHartnoma oxirigacha 6 oydan kam muddat qolgani bois istalgan klub futbolchilar bilan muzokara olib borishi va shartnoma tuzish huquqiga ega. Faqat bu haqda "Nasaf" klubini rasman ogohlantirishi talab etiladi.

Bu futbolchilar erkin agent sifatida klubdan ketmasliklari uchun "Nasaf" ular bilan shartnomani uzaytirishi talab etiladi. Hozirga qadar bu haqda hech qanday rasmiy xabar chiqqani yo'q.