Abdulhakim SHaubaev Osiyo Kukmuwon federaciyasi prezidenti etib saylandi

Koreya Respublikasi poytaxti Seul shahrida sharq yakkakurashlari oilasiga mansub Jahon Kukmuvon World Kukmuwon (WKMW) federaciyasining navbatdagi yig'ilishi bo'lib o'tdi. Unda yakuniga etib borayotgan 2024 yilni mavsum sarhisobi, yangi yil taqvimi kabi bir qator masalalar muhokama qilindi. 

Biz uchun ahamiyatlisi, yig'ilish doirasida Osiyo Kukmuwon federaciyasiga yangi rahbarning saylanishi bo'ldi. Unda delegatlarning yakdil ovozi bilan Abdulhakim SHaubaev Osiyo Kukmuwon federaciyasi prezidenti etib tasdiqlandi. Unga ishonch yorlig'i hamda O'zbekiston va Koreya Respublikasi o'rtasidagi do'stlik aloqalarini yanada mustahkamlashga qo'shayotgan hissasi uchun milliy mukofoti taqdim etildi.  

SHuningdek, Jahon Kukmuwon federaciyasi prezidenti Xvang Yong-Jin yurtdoshimizga  8-DAN qorabelbog' darajasini ham topshirdi. Xvang Yon-Jin Janubiy Koreya Milliy sport turlari raisi ham hisoblanadi. U O'zbekistonda ham bo'lib, yakkakurash sport turlarida shug'ullanayotgan yoshlarimiz hamda ularning murabbiylari bilan uchrashgan.