Abdusalom Azizov boshchiligidagi rasmiylar Olimpiadaga jo'nab ketayotgan futbolchilarimizga omad tilashdi

Bugun Sport vazirligi, Milliy Olimpiya qo'mitasi va O'zbekiston futbol associaciyasi rahbariyati masuliyatli safar oldidan jamoamiz bilan uchrashib, yigitlarimizga oq yo'l tilashdi.

Tadbirda O'zbekiston Respublikasi Davlat xavfsizlik xizmati raisi, mamlakat futbol associaciyasi prezidenti Abdusalom Azizov, Sport vaziri Adham Ikramov, Milliy Olimpiya qo'mitasi Bosh kotibi Oybek Kasimov, MOQ raisining birinchi o'rinbosari, O'FA birinchi vice-prezidenti Ravshan Irmatov ishtirok etishdi.

Rasmiylar o'zbek sportida tarixiy yo'llanmaga sazovor bo'lgan jamoamizdan bo'lajak Olimpiadada ham ulkan g'alabalar kutishlarini, buning uchun davlatimiz barcha sharoitni yaratib berishini takidlashdi. O'z navbatida, bosh murabbiy Timur Kapadze ham jamoa Franciyaga faqat va faqat Olimpiada medallari uchun yo'l olayotgani, yigitlar barcha o'yinda bor imkoniyatlarini ishga solishlarini bildirdi.

Eslatib o'tamiz, futbolchilarimiz Olimpiya o'yinlaridagi ishtiroklarini 24 iyul kuni Ispaniyaga qarshi bahs bilan boshlashadi. Ungacha jamoamiz 15 iyul kuni Gvineya, 18 yulda esa Yangi Zelandiya qarshi ikkita nazorat uchrashuvini o'tkazadi.