20 apr 16:37
Yangiliklar

Engil atletika

Abduvaliev - Osiyo engil atletika associaciyasi vice-prezidenti!

Bugun, 20 aprel kuni Qatar poytaxti Doxa shahrida Osiyo engil atletika federaciyalari associaciyasining navbatdagi Kongressi bo'lib o'tmoqda.

Mazkur tadbirda O'zbekiston jismoniy tarbiya va sport vazirligi boshqarma boshlig'i Nizomjon To'xtaboev, O'zbekiston engil atletika federaciyasi prezidenti Andrey Abduvaliev va federaciya bosh kotibi Kamoliddin Ro'zimuxammedov ham ishtirok etishmoqda.

Kongress doirasida davomida Osiyo engil atletika associaciyasi (OEAA) prezidenti va vice-prezidentiligi (1 nafar katta vice-prezident va 5 nafar vice-prezidentlar) uchun saylovlar o'tkazildi.

Biz uchun ahamiyatli tomoni shundaki, Osiyo engil atletika federaciyalari associaciyasi vice-prezidentiligi lavozimiga O'zbekiston engil atletika federaciyasi prezidenti Andrey Abduvaliev ham saylandi.

Osiyo engil atletika associaciyasi (OEAA) prezidentiligini esa Daxlan Al-Hamad o'zida saqlab qoldi.

Malumot uchun, Andrey Abduvaliev 1966 yilda tug'ilgan. MDH birlashgan terma jamoasi safida 1992 yilgi Olimpiya o'yinlarida chempionlikni qo'lga kiritgan. 2000-2012-yillar davomida O'zbekiston engil atletika federaciyasining bosh kotibi lavozimida faoliyat olib borgan. 2018 yil may oyida O'zbekiston engil atletika federaciyasi prezidenti etib saylangan.