25 dek 10:09
Yangiliklar

Boshqalar

Abu-Dabida zafar quchgan sportchilar tantanali kutib olindi

Birlashgan Arab Amirliklarining Abu-Dabi shahrida penchak-silat sport turi bo'yicha yoshlar, o'smirlar va kattalar o'rtasida o'tkazilgan jahon chempionatida yurtimiz sportchilari 38 ta medallar shodasiga ega chiqdi.

Murosasiz bahslar sarhisobiga ko'ra, O'zbekiston sportchilari 7 ta oltin, 11 ta kumush, 20 ta bronza medaliga sazovor bo'ldi.

Jahon chempionatida O'zbekiston nomini ulug'lagan yurtimizning g'olib sportchilari Islom Karimov nomidagi Toshkent xalqaro aeroportida tantanali kutib olindi.

Sport vazirligi masullari, O'zbekiston penchak-silat sport federaciyasi rasmiylari va sportchilarning yaqinlari ishtirok etgan kutib olish marosimida Abu-Dabida muvaffaqiyatga erishgan sportchi yoshlarga sovg'alar taqdim etildi.

Jahon chempionatidagi o'ziga xos natija kelgusi yutuqlarga poydevor bo'lishi takidlandi.