Adliya vaziri Ruslan Davletov O'zbekiston basketbol federaciyasi prezidenti etib saylandi

Unda MOQ Prezidenti Umid Ahmadjonov, Bosh kotib Jasur Matchanov, Prezident maslahatchisi Komiljon Xudoyberganov, O'zbekiston basketbol federaciyasi mutasaddilari hamda ommaviy axborot vositalari xodimlari ishtirok etishdi.

Konferenciya avvalida yig'ilganlarga kun tartibi tanishtirildi. Unga ko'ra, federaciya rahbarining vakolat muddati yakunlangani sabab tashkilotga yangi rahbar saylab olish kunning asosiy masalasi sifatida qayd etildi.

SHundan so'ng federaciya mutasaddilari tomonidan tashkilot faoliyatiga oid taqdimot namoyish etib berildi. Unda basketbol federaciyasi faoliyati, rivojlanish tarixi, bugungi kundagi holati tanishtirildi, so'nggi vaqtlarda yuzaga kelgan muammolar, kamchiliklar qayd etib o'tildi.

Bungacha O'zbekiston basketbol federaciyasi prezidenti sifatida faoliyat olib borgan Dusanov Zohid Abduqayumovich sog'lig'i yomonlashgani sababli o'z lavozimini tark etgani malum qilindi.

So'ngra, kun tartibiga binoan delegatlar tomonidan federaciyaning yangi nizomi tasdiqlandi.

Keyin esa federaciya rahbarligi lavozimiga O'zbekiston Respublikasi Adliya vaziri Davletov Ruslanbek Quroltoevich nomzodi taklif etildi. Konferenciya ishtirokchilari ushbu nomzodni bir ovozdan qo'llab-quvvatladilar. SHu tariqa R.Davletov O'zbekiston basketbol federaciyasining prezidenti etib saylandi.

"Bildirilgan ishonch uchun minnatdorchilik bildiraman. Ishonchni oqlayman. Birinchi vazifamiz, federaciya tizimidagi ishni to'g'ri yo'lga qo'yib olishdir. Tashkilot tizimini qayta ko'rib, kimning qanday imkoniyatlarga ega ekanligini o'rganib chiqamiz. Basketbolni rivojlantirish uchun bizga malakali mutaxasisslar kerak bo'ladi. Bu borada qo'llab-quvvatlashingizga umid qilaman va kelajakda albatta yaxshi natijalarni qo'lga kiritamiz", - dedi R.Davletov.

SHuningdek, yangi rahbar viloyatlarda ham basketbolni rivojlantirishga etibor qaratishini, terma jamoa uchun xorijdan malakali murabbiylar jalb qilinishini, bugungi kunda eng asosiy muammolardan biri bo'lib turgan baza masalasi hal qilinishiga ham alohida urg'u berib o'tdi.