Afsonaviy bokschi jinsiy zo'ravonlikda ayblanmoqda

"So'nggi olti oy davomida ikki ayol men va oilamning millionlab dollarlarini o'marmoqchi bo'lyapti. Ularning yolg'onlariga ko'ra, men 45 yil avval, 1970 yillarda ularga nisbatan jinsiy zo'ravonlik uyushtirgan emishman. Men bu ayblovlarni qatiyan rad etaman.

Men sport faoliyatimda ham o'zim uchun muhim bo'lgan obro'imdan faxrlanaman. Men asossiz tahdid va yolg'onlardan qo'rqmayman. Har doim Xudoga bo'lgan ishonchim bilan yo'l tutganman, bundan keyin ham shunday bo'ladi. Meni ayblaganlarni to'liq fosh qilish va o'zimni himoya qilish maqsadida men advokatlarim bilan ish olib boraman. Men urushmayman va ulardan qochmayman", - deya Formanning so'zlarini keltiradi BoxingScene nashri.

Eslatib o'tamiz, Jorj Forman so'nggi jangini 1997 yilning 22 noyabrida SHennon Briggsga qarshi o'tkazib, ochkolar evaziga mag'lub bo'lgan edi.

Malumot uchun, amerikalik charm qo'lqop afsonasi faoliyati davomida 81 ta jang o'tkazib, 76 g'alabaga erishgan, besh marotaba mag'lubiyat alamini totib ko'rgan.