Afsonaviy Iker Kasilyas faoliyatini yakunlashini elon qildi

Kasilyasning futboldan ketishi qishdayoq aytilgandi. 2019 yil may oyida u yurak xurujini boshdan kechirgandi. Keyinroq Iker Ispaniya futbol Federaciya prezidenti bo'lish uchun o'z nomzodini ilgari surdi, biroq keyinroq uni qaytarib oldi. So'nggi malumotlarga ko'ra, u «Real»ga qaytadi va prezident maslahatchisi bo'ladi.

Kasilyas «Real» klubi tarbiyalanuvchisi hisoblanadi. U 1998-2015 yillarda madridliklar safida to'p tepdi. «Qirollik klubi» bilan birga 18ta sovrin qo'lga kiritdi. Ular orasida 5ta Ispaniya chempionligi, ikkita mamlakat kubogi va uchta Evropa chempionlar ligasi sovrini bor. «Portu» bilan ikki bor Portugaliya chempioni bo'ldi, mamlakat Kubogi va Superkubogini qo'lga kiritdi.

Ispaniya terma jamoasi safida Kasilyas 2000-2016 yillarda o'ynadi. Terma jamoa bilan birga ikki bor Evropa va bir bor Jahon chempioni bo'ldi.