Afsonaviy Oksana CHusovitina Toshkentda tantanali kutib olindi

Jahon chempionatida O'zbekiston terma jamoasi muvaffaqiyatli ishtirok etdi va biryo'la ikki atletimiz - Oksana CHusovitina va Rasuljon Abdurahimov kelgusi yil Yaponiyaning Tokio shahri mezbonlik qiladigan XXXII yozgi Olimpiya o'yinlari yo'llanmasini qo'lga kiritishdi.

Garchi vakillarimiz dunyo birinchiligida sovrindorlar qatoridan joy olisholmagan bo'lsa-da, olimpiada o'yinlariga licenziya beruvchi o'rinlardan joy ola bilishdi.

Bugun erta tongda hamyurtlarimiz O'zbekistonga qaytib keldilar va ularni Islom Karimov nomidagi Toshkent Xalqaro aeroportida Jismoniy tarbiya va sport vazirligi, O'zbekiston gimnastika federaciyasi hamda ommaviy axborot vositalari hodimlari tomonidan kutib olindi.