Ajoyib! Geynish va CHigirev Kanada Gran-prisiga yo'llanma oldi!

Ular Kanadadagi Gran-pri bosqichiga kvota olishdi. Musobaqa 25-27 oktyabr kunlari Yangi SHotlandiya provinciyasining Galifaks shahrida tashkil etiladi.

Malumot o'rnida, figulari uchish sport turida Gran-prilar — bu jahondagi eng yaxshi figurali uchuvchilar o'rtasida o'tkaziladigan yillik musobaqalar to'plamidir. Ular 6 bosqichdan iborat bo'ladi. Har bir bosqichda sportchilar uchun egallagan o'rinlariga qarab, 3 balldan 15 ballgacha beriladi. Olti bosqich yakuniga ko'ra, eng yaxshi 6 nafar sportchi yoki juftlik final bosqichida ishtirok etadi.

Kanada Gran-prisi seriyaning ikkinchi bosqichi hisoblanadi. U Geynish va CHigirev juftligi uchun ham debyut Gran-pri bo'ladi. Bu bosqichda 7 mamlakatning 8 juftligi ishtirok etadi.

Eslatib o'tamiz, Ekaterina Geynish va Dmitriy CHigirev juftligi sentyabr oyida O'zbekiston terma jamoasi uchun o'zlarining ilk musobaqasida — "CHellenjer" turkumidagi "John Nicks Pairs Challenge International" turnirida qatnashib, uchinchi o'rinni egallashgan edi.