Ajoyib. "Humo" jamoasi bu yil ham "Mishkopad" tadbirini o'tkazadigan bo'ldi

Bu haqda klub matbuot xizmati xabar bermoqda.

Ayni damda Qozog'iston muntazam chempionatida ikkinchi o'rinda borayotgan toshkentliklar 9 fevral kuni "Humo Arena"da muntazam chempionatning so'nggi o'yinida muzga chiqadi. 

"Aktobe"ga qarshi kechadigan mazkur o'yin o'z yakuniga etganidan so'ng, "Humo Arena"da "Mishkopad" tadbiri tashkil etiladi. Bu tadbir doirasida muxlislar o'zlari bilan olib kelgan yumshoq o'yinchoqlarni muzga tashlashadi, yig'ilgan barcha o'yinchoqlar Respublika Onkologiya va radiologiyasi qoshidagi Ishonch notijorat xayriya fondi ko'magida betob va ehtiyojmand bolalarga sovg'a qilinadi.

Etiborlisi, "Humo" jamoasi bu tadribni o'zi ishtirok etayotgan har bir mavsumda tashkil etib kelmoqda.