Yodingizda bo'lsa, shu yil Otabek Xolmatov WBA kamari uchun Ley Vud bilan jang qilishi lozim edi. Ammo tomonlar o'rtasida o'tkazilgan muzokaraga ko'ra, Ley Vud Otabek Xolmatovga qarshi majburiy himoya jangidan oldin, Josh Uorringtonga qarshi ixtiyoriy himoya jangini o'tkazib, g'alaba qozongan edi.

Tarqatilgan xabarlarga ko'ra, Ley Vud WBA kamarini vakant qoldirgan, bunga nima sabab bo'lgani hozircha malum emas. Muhimi, vakant, yani bo'sh qolgan kamar uchun WBA reytingida birinchi o'rinni egallab turgan Otabek Xolmatov (11-0-0) hamda ikkinchi pog'onadan joy olgan amerikalik Reymond Ford (14-0-1) jang qiladigan bo'ldi. Jangning dekabr oyida o'tkazilishi kutilmoqda.

Bu haqda Otabek Xolmatov Olamsport.com muxbiriga quyidagicha izoh berdi:

"Ha, Ley Vud kamarni vakant qoldirdi. Endi Reymond Ford bilan bo'shab qo'lga chempionlik kamari uchun jang qilamiz, Xudo xohlasa. Hozircha sana va manzil aniq emas. Lekin raqibim Ford bo'ladi. Bunga tayyorgarlik ko'ryapmiz", - dedi Xolmatov.

Eslatib o'tamiz, Otabek Xolmatov so'nggi jangini o'tgan yilning dekabr oyida Tomas Patrik-Uordga qarshi o'tkazib, muddatidan oldin g'alaba qozongan edi.

Havaskor boksdan ketishi, terma jamoa, sement tashuvchilik - PR'siz ko'tarilgan Otabek Holmatov